NEWS

6-Feb-2017

کراچی (          ) پاک سرزمین پارٹی کے سیکریٹری انفارمیشن افتخار عالم نے شہر میں حالیہ بڑھتی ہوئی اسٹریٹ کرائم کی وارداتوں پر اپنی تشویش کا اظہار کیا ہے، پاکستان ہاؤس سے جاری بیان میں انہوں نے کہا ہے کہ کراچی سمیت سندھ بھر میں اچانک اسٹریٹ کرائم کی وارداتوں میں اضافہ ہوگیا ہے. نہتے شہریوں کو دن دیہاڑے نقدی،  موبائل فون اور موٹرسائیکل سے ہاتھ دھونا پڑ رہا ہے،  انہوں نے کہا کہ ان حالات میں قانون نافذ کرنے والے اداروں کی خاموشی ان کی کارکردگی پر سوالیہ نشان ہے، انہوں نے مزید کہا ہے کہ پولیس سمیت تمام دیگر سیکیورٹی ادارے عوام کی جان و مال کے تحفظ کے ضامن ہیں اور عوام کو انہی اداروں سے امیدیں وابستہ ہیں لہٰذا ایسی صورتحال میں قانون نافذ کرنے والے اداروں کی ذمہ داری ہے کہ وہ ان جرائم پیشہ عناصر کو کنٹرول کرنے کیلئے اسنیپ چیکنگ اور علاقوں میں گشت کا معقول و مناسب انتظام کریں تاکہ عوام کی جان و مال کے تحفظ کو یقینی بنایا جا سکے اور ان واقعات میں ملوث جرائم پیشہ عناصر کو قانون کے شکنجے میں لیا جائے تاکہ عوام کا اعتماد سیکیورٹی اداروں پر مزید بحال ہو

 

6-Feb-2017

سید مصطفی کمال اور انیس قائم خانی خیبر پختونخواہ کے دورے پر روانہ،پارٹی کے تنظیمی ڈھانچے کو حتمی شکل دیں گے۔

کراچی( )چیئر مین پاک سرزمین پارٹی سید مصطفی کمال اورصدر انیس قائم خانی پارٹی کے مرکزی رہنماؤں کے ہمراہ آج خیبرپختونخواہ کے پہلے خصوصی دورے پر روانہ ہونگے۔ اس دورے کا فیصلہ خیبر پختونخواہ سے تعلق رکھنے والے مختلف سیاسی رہنماؤں ، کارکنوں،وکلاء ، مذہبی رہنماؤں،قبائل ، برادریوں کے وفود اور معززین کی دعوت پر کیا گیا ہے ، خیبر پختونخواہ سے تعلق رکھنے والوں کی بڑی تعداد پاک سر زمین پارٹی میں شمولیت اختیار کر چکی ہے اور سید مصطفی کمال اور انیس قائم خانی کے امن، محبت اور بھائی چارے کو عام کرنے اور تمام قومیتوں کو یکجا کرنے کے فلسفے کو سراہتے ہوئے ان کی قیادت میں پاکستان کے استحکام ، خوشحالی اور ترقی میں اپنا کردار ادا کرنے کیلئے تیار ہیں، اس دورے میں پی ایس پی رہنما خیبر پختونخواہ میں تنظیمی امور کا جائزہ لیں گے ،مختلف علاقوں اور شعبہ جات کے کارکنوں اور ذمہ داران سے ملاقات کریں گے اور پارٹی کے تنظیمی ڈھانچے کو حتمی شکل دیں گے۔

 

5-Feb-2017

کراچی کی مختلف سیاسی جماعتوں سے تعلق رکھنے والے300 سے زائد مرکزی شعبہ جات کے ذمہ دران اور کارکنان نے پاک سرزمین پارٹی میں شمولیت کا اعلان۔مصطفی کمال

کراچی ( )کراچی کی مختلف سیاسی جماعتوں سے تعلق رکھنے والے300 سے زائد مرکزی شعبہ جات کے ذمہ دران اور کارکنان نے پاک سرزمین پارٹی میں شمولیت کا اعلان کردیا، 29 جنوری تبت سینٹر جلسے کی بھر پور کامیابی اور عوام کی جانب سے ملنے والی پزیرائی کے بعد سے پی ایس پی میں شمولیت اختیار کرنے والوں کا سلسلہ جاری ہے ، چیئرمین پاک سرزمین پارٹی نے شمولیت اختیار کرنے والوں کو مبارکباد پیش کرتے ہوئے کہاکہ آپ لوگ جس جدوجہد میں شامل ہوگئے ہیں اس کی وجہ سے آ پ کو کبھی پریشانی نہیں اُٹھانی پڑے گی، ہماری جدوجہد کا مقصد مراعات حاصل کرنا نہیں ہے ، غربت کی چکی میں پستی عوام کو مسائل سے نجات دلانا ہمارا مقصد ہے ، 30 دنوں کی مہلت کے بعد دوسروں کو دن گننا چاہئے لڑائی جھگڑا نہیں چاہتے اور نہ ہی کوئی غیر آئینی اور غیر جمہوری طریقہ اپنائیں گے،ان خیالات کا اظہار انہوں نے پاک سرزمین پارٹی کے مرکزی دفتر پاکستان ہاؤس میں ایک پر ہجوم پریس کانفرس سے خطاب کرتے ہوئے کیا، اس موقع پر صد انیس قائم خانی، رضاہارون اور سینٹرل ایگزیکٹو کمیٹی اور نیشنل کونسل کے اراکین موجود تھے، انہوں نے کہا کہ پورے ملک سے جو محبت اور پزیرائی حاصل ہورہی ہے اس پر عوام کے شکر گزار ہیں ، آج جو لوگ پاک سرزمین پارٹی میں شامل ہوئے ہیں اس میں متحدہ قومی موومنٹ سے207 ذمہ داران ، سنی تحریک ، پاکستان مسلم لیگ ن ،پی ٹی آئی، ایم کیوایم حقیقی ، مسلم لیگ فنکشنل ، اے این پی اور اے پی ایم ایل کے مرکزی ذمہداران شامل ہیں ،ہمیں صرف محبت بانٹنی ہے اور لوگوں کو آپس میں جوڑنا ہے ،انہوں نے کہا کہ کراچی کی عوام کو ان کے حقوق دیئے جائیں اور مقامی حکومتوں کو مکمل اختیارات دیئے جائیں اور آئین کے آرٹیکل 140-Aکے تحت اختیارات کو نچلی سطح تک منتقل کیا جائے ، انہوں نے کہا کہ وزیر اعلی کا کام نہیں ہے کہ وہ اسکولوں ، اسپتالوں ، سڑکوں اور سیویج کے مسائل حل کریں ، دنیا بھر میں مقامی حکومتیں ان تمام کاموں کی ذمہ دار ہوتی ہیں اور ہمارے ہاں وزیر اعلی نالوں کی صفائی اور سڑکوں اور صفائی کے کاموں کے افتتاح کرتے ہیں یہ سلسلہ اب بند ہونا چاہئے اور عوام کو ان کے جائز حقوق ملنے چاہئے اور کراچی سمیت پورے سندھ اور پورے پاکستا ن کے منتخب مقامی حکومتوں کو اختیارات دینا ضروری ہیں انہوں نے مزید کہا کہ این ایف سی کی طرح صوبائی فنانس کمیشن بنایا جائے اورمقامی حکومتوں کو وسائل دیئے جائیں تاکہ وہ عوام کے مسائل کو حل کرسکیں ، سید مصطفی کمال نے گزشتہ دنوں ہونے والے کراچی واٹر سپلائی کمیشن کی کارروائی کے حوالے سے کہا کہ ہم نے 4 مطالبات پیش کمیشن کے سامنے پیش کیے ہیں اور کمیشن کو یہ بھی بتایا کہ23ملین کی آبادی کے لحاظ سے 1240ملین گیلن پانی کی ضرورت ہے میرے نظامت کے دور میں k3 واٹر سپلائی منصوبہ شروع کیا اور اس کو مکمل کیا k4منصوبہ تیار کیااور اس کی 7.9ارب روپے کی PC1 منظورکروائی اور1000 فٹ کا کوریڈور شروع کیا اور 50 سال کی منصوبہ بندی کر کے گیالیکن بعد کی حکومتوں نے کراچی کے لئے نہ صرف کوئی نیا منصوبہ نہیں بنایا بلک پہلے سے منظور شدہ منصوبو ں پربھی عمل درآمد نہیں کیا، انہوں نے کہا کہ K4 پر کام تاخیر سے شروع ہونے کی وجہ سے اس کی لاگت 3 ارب روپے خرچ ہونے کے بعد 42 ارب روپے تک پہنچ چکی ہے اور اگر یہ منصوبہ تکمیل کر بھی لیا جائے تو کراچی کی پانی کی ضرورت کوپورا نہیں کر پائے گا، حکومت K4 فیز 1 اور فیز2 بھی ایک ساتھ شروع کرے تاکہ کراچی میں پانی کا مسئلہ کر حل کرنے میں مدد دملے ، انہوں نے کہا کہ سسٹم میں پانی موجود ہے لیکن ٹینکر مافیا کے سرپرست عوام کے پانی پر قابض ہیں جس کی وجہ سے انہیں پانی خریدکر اپنی ضرورت پوری کرنی پڑتی ہے ، انہوں نے یہ مطالبہ بھی کیا مردم شماری کو سیاست کی نظر نہ ہونے دیا جائے ،ہماری زیادہ تر آبادی شہروں میں منتقل ہو چکی ہے اس لیے صوبوں میں عوا م کی صحیح تعداد جاننا بہت ضروری ہے انہوں نے کہا کہ ہمارے ملک میں کیا ریاست اتنی کمزور ہے کہ وہ صاف شفاف مردم شماری نہیں کرواسکتی کہ کہیں ایسا نہ ہو کہ جمہوریت کو خطرہ لاحق ہو، انہوں نے کہا کہ اگرمردم شماری میں بد دیانتی کی گئی تو پاکستان کبھی ٹھیک نہیں ہو سکے گا اوراس ملک کے لوگ جوآپس میں جڑ رہے ہیں ایسے فتنوں میں مبتلا کر کے انہیں تقسیم نہ کیا جائے۔قبل اذیں انہوں نے کشمیر کمیونٹی کی جانب سے نکالی جانی والی ریلی کی پاکستان ہاؤس آمد پر عوام سے بات چیت کرتے ہوئے کہا کہ پاک سرزمین پارٹی کشمیری عوام کے مؤقف کی مکمل حمایت کرتی ہے پاک سرزمین پارٹی اقوام متحدہ میں پیش کی جانے والی قراردادوں اور کشمیری عوام کی خواہشات کو اور امنگوں کے مطابق کشمیر کو پاکستان کے ساتھ شامل کیا جائے انہوں نے کہا کہ پی ایس پی دنیا بھر میں اور ہر پلیٹ فارم پر ان کے لیے آواز بلند کرتی رہے گی ۔بعد اذاں محسود برادری کے وفد نے بھیطارق ترین کی سربراہی میں پاکستان ہاؤس میں سید مصطفی کمال سے ملاقات کی اور پاک سرزمین پارٹی میں شمولیت کا اعلان کرتے ہوئے پاکستان کے لئے مصطفی کمال اور انیس قائم خانی کی کاوشوں کو سراہا۔

 

1-Feb-2017

بہادر کشمیری عوام کشمیر کی تحریک میں اپنا لہو شامل کرکے اس تحریک کو دن بدن مضبوط کرتے جارہے ہیں۔ مصطفی کمال
چیئر مین پاک سر زمین پارٹی سید مصطفی کمال نے یوم کشمیر پرتمام کشمیری بھائیوں کو خراج تحسین اور شہدا ء کو خراج عقیدت پیش کیا

کراچی ( ) پاک سرزمین پارٹی کے چیئرمین سید مصطفی کمال نے 5 فروری کشمیر ڈے کے حوالے سے جاری بیان میں کہا ہے کہ کشمیر پاکستان کی شہ رگ ہے اور رہے گا، کشمیریوں کی آواز کو طاقت کے ذریعے دبانا آسان نہیں ہے اور ہر گزرتے دن کے ساتھ بہادر کشمیری عوام کشمیر کی تحریک میں اپنا لہو شامل کرکے اس تحریک کو دن بدن مضبوط کرتے جارہے ہیں، قائد اعظم محمد علی جناح نے کشمیر کو پاکستان کی شہ رگ قرار دیا تھا اور ہم اپنی شہ رگ کا تحفظ کرنے کیلئے کسی بھی قربانی سے دریغ نہیں کریں گے، انہوں نے کہا ہے کہ نوجوانوں کو کشمیر ڈے کی اہمیت سے روشناس کروانے کی اشد ضرورت ہے. انہوں نے کہا ہے کہ حکومت پاکستان بین الاقوامی برادری کو مسئلہ کشمیر پر ہمارا ساتھ دینے کے لئے آمادہ کرے تاکہ مقبوضہ کشمیر کو بھارت کے تسلط سے نجات دلائی جاسکے، انہوں نے یوم کشمیر پرتمام کشمیری بھائیوں کو خراج تحسین اور شہدا کو خراج عقیدت پیش کیا۔

 

1-Feb-2017

پیٹرول کی قیمتوں میں حالیہ اضافے پر سخت مذمت کا اظہار، عوام کا معاشی قتل کرنے کے مترادف ہے ۔مصطفی کمال
حکومت بین الاقوامی قیمتوں کے مطابق پیٹرولیم مصنوعات کی قیمتوں کا تعین کرے۔چیئرمین پاک سر زمین پارٹی

کراچی( ) چیئر مین پاک سرزمین پارٹی سید مصطفی کمال نے پیٹرول کی قیمتوں میں حالیہ اضافے پر سخت مذمت کا اظہار کیا ہے، اپنے بیان میں انہوں نے کہا کہ وزارت پٹرولیم اور اوگرا حکام عوام کے ساتھ زیادتیوں کا سلسلہ بند کرے، دنیا بھر میں پیٹرول کی قیمتوں میں کمی دیکھنے میں آئی ہے لیکن پاکستان میں قیمتوں کا تعین کرنے والے ادارے جس تناسب سے قیمتوں میں اضافہ کر رہے ہیں وہ سراسر ناانصافی اور عوام کا معاشی قتل کرنے کے مترادف ہے، انہوں نے کہا ہے کہ پیٹرولیم مصنوعات کی قیمتوں میں اضافے کا اثر دیگر مصنوعات پر پڑتا ہے جو کہ عوام کی مشکلات میں مزید اضافے کا سبب بنتا ہے، انہوں نے حکومت پاکستان سے مطالبہ کیا ہے کہ وہ بین الاقوامی قیمتوں کے مطابق پیٹرولیم مصنوعات کی قیمتوں کا تعین کرے۔

===================

پاک سرزمین پارٹی کے ضاہارون، وسیم آفتاب، محمد دلاور اور آصف میمن کی کراچی پریس کلب کے نومنتخب عہدیداروں سے ملاقات
پاک سرزمین پارٹی آزاد میڈیا کی حامی جماعت ہے، صحافی برادری کا پاکستان کی ترقی و خوشحالی میں بڑا اہم کردار ہے، رضا ہارون
کراچی میں مقیم تمام قومیتوں کے شکر گزار ہیں جنہوں نے اپنے اعتماد کا اظہار کیا اور عوامی عدالت میں اپنا مینڈیٹ پی ایس پی کو دیا
کراچی ( ) پاک سرزمین پارٹی کے سیکریٹری جنرل رضاہارون، وائس چیئرمین وسیم آفتاب، محمد دلاور اور آصف میمن کی کراچی پریس کلب کے نومنتخب عہدیداروں سے ملاقات، اس موقع پر کراچی پریس کلب کے نومنتخب صدر سراج احمد، نائب صدر منہاج الرب، سیکریٹری مقصود یوسفی، جوائنٹ سیکرٹری نعمت خان اور گورننگ باڈی اور کلب کے دیگر ممبران بھی موجود تھے، سیکریٹری جنرل پی ایس پی رضاہارون نے کراچی پریس کلب کے نومنتخب عہدیداروں کو مبارکباد پیش کی اور مٹھائی کھلائی اور پارٹی کی جانب سے نیک خواہشات کا اظہار کیا، بعد ازاں میڈیا سے گفتگو کرتے ہوئے رضاہارون نے کہا کہ صحافی برادری کا پاکستان کی ترقی و خوشحالی میں بڑا اہم کردار ہے اور پاک سرزمین پارٹی آزاد میڈیا کی حامی جماعت ہے ،ہم نہ صرف آزادی صحافت پر یقین رکھتے ہیں بلکہ ساتھ مل کر ملک و قوم کی خدمت اور ترقی میں اپنا کردار ادا کرنا چاہتے ہیں، انہوں نے کہا 29 جنوری کے جلسے کی بھرپور کوریج کرنے پر میڈیا کے نمائندوں کے شکر گزار ہیں، میڈیا کہ ذریعے ہی پی ایس پی کا پیغام عوام میں پہنچا ہے، انہوں نے کہا کہ کراچی میں مقیم تمام قومیتوں کے شکر گزار ہیں جنہوں نے ہم پر اپنے اعتماد کا کھل کر اظہار کیا اور عوامی عدالت میں شریک ہوکر اپنا مینڈیٹ پی ایس پی کو دیا، انہوں نے کہا کہ پی ایس پی پاکستان کی واحد جماعت ہے جس نے اپنے قیام کے صرف 9 ماہ بعد ملک کے دو بڑے شہروں میں جلسے کر کے بتا دیا کہ پی ایس پی عوام کی نمائندہ جماعت ہے، صدر پریس کلب نے اس موقع پر سیکریٹری جنرل پی ایس پی رضاہارون وائس چیئرمین وسیم آفتاب اور دیگر رہنماؤں کی آمد پر ان کا شکریہ ادا کیا۔